Tempo meteorolóxico

Sobre a chuvia, o arco da vella, a néboa...

Marzo, marzal,
pola mañá cara de risa,
pola noite cara de can.

Matilde de Santiago

Se en marzo mallea, en maio marzea.

Matilde de Santiago

Cando chove e quenta o sol,
anda o demo por Ferrol,
cargadiño de alfinetes,
para picarlles no cu ás mulleres.

Roberto, da Ponte do Porco. Miño, A Coruña

Cando a curuxa vai "pra" Meira,
pon a sella na goteira,
cando a curuxa vai "pro" mar,
colle os bois e vai arar.

Explicación:
Este dito fai referencia ó tempo que ía ir ó día seguinte neste lugar (entre Meira e o mar de Ribadeo).

Chove, chove na casa do pobre.

Neva, neva
na casa da vella.

“Xía, xía”
na casa da tía.

Sarabea
na casa da tía Andrea

Pinga, pinga
na casa da tía Dominga

Trona, trona
no cu da “patrona”.

Mini e Mero.

Chove, chove
na casa do pobre.
“Xía, xía,”
en cas de García.
Sarabea, sarabea
en casa de Nebra.

Chove, chove
na casa do pobre.
Neva, neva
na cas de Varela.
Xea, xea
na cas de Garea
Trona, trona
na cas de Ramona.
Pinga, pinga
na casa de Minga

Chove, chove
na casa do pobre;
pinga, repinga
na casa de Dominga
e orballa, orballa
na casa da Rosaria.

M. Barrio - N. Rielo: “Escolma...”

¡Ai, como chove!
¡Ai, como trona!
¡Ai, unha vella
tocando a zanfona!

M. Barrio - M. Fernández Costas: “Juegos...”

Chove, rechove
na casa do pobre,
chuvisca, chuvisca
na casa da pisca.

M. Barrio - X. Taboada: “Folklore de Verín”

Vente chuvia, vaite sol,
polos campos de Ferrol;
unha vaca parideira
con tres olas de manteiga;
unha pola para pór,
un galo para cantar,
unha porquiña rabela,
para facer o xantar.

M. Barrio - M. Fabeiro: “Cancioneiro...”

Vaite chuvia,
vente sol,
polos campos de Ferrol
que te chama
teu padriño
para arrolar
o meniño
que che ha de dar
pan e viño.

M. Barrio - J. Pérez Ballesteros: “Cancionero...”

Vaite chuvia,
vente sol,
polos campos de Ferrol,
unha vaquiña marela,
un becerriño atrás dela,
un galiño cantador,
canta como un reiseñor.

M. Barrio - J. Casal y Lois. “Cancionero...”

Arco da vella,
vaite de aí
que andan os porcos
a fozar en ti.

A nosa memoria- Marín

Arco da vella,
vaite de aí
que as nenas bonitas
non te queremos aquí.

Marga da Estrada

Arco da vella ó levante,
¡ei, boi, para adiante!.
Arco de vella ó poñente,
colle os bois e vente.

Matilde de Santiago

Arco da vella
vaite de aí
que as nenas guapas (1)
non son para ti.

(1) Variante: “bonitas”

M. Barrio - Terra de Melide. Inclúe música.

Arco da vella
vaite de aí,
que andan os sapos
enriba de ti.

M. Barrio - J. Casal y Lois. “Cancionero...”

Arco de vellas,
¿que fas aí?
que está túa mai
chamando por ti
cun ramallo de loureiro
para che bourar o pandeiro.

M. Barrio - X. Alonso Montero: voz “Arco da vella” na “Gran Enciclopedia Gallega”.

Arco da vella
e tres darredor,
pica na pedra
que mañá raia o sol.

M. Barrio - X. Alonso Montero: voz “Arco da vella”...

Arco da vella,
revírate, pedra, (pedrazo ou sarabia)
non botes chuvia
nin pingadela.

M. Barrio - X. Alonso Montero: voz “Arco da vella”...

- Arco da vella,
faime un arado.
- Non fago, non,
que non teño machado.

M. Barrio - X. Alonso Montero: voz “Arco da vella”...

Arco da vella
vai á túa terra
que andan os porcos,
a fozar nela.

M. Barrio - J. Casal y Lois: “Cancionero...”

Subscribe to RSS - Tempo meteorolóxico