Recitados diversos

“¡Lavada ós tres días nada!”
díxolle o millo á liñaza.
E contestou ela: “¡Nugallanzón,
un mes baixo o terrón
e inda se vou, se non vou”.

M. Barrio - Marcial Valladares: “Diccionario Gallego”

Choupín choupiñeiro,
dime onde está o teu compañeiro.

Salouco trouco,
vaite de min
e métete noutro.

Chorro morro
meu real,
saes ti
pola porta real,
sae sanuco
rabo de cuco,
sae labrar
e sementar
nas herbiñas
de Portugal.

M. Barrio M. Fabeiro Gómez: “Cancioneiro de Muros”

Cocheguiñas, cocheguiñas.
Abre a man e solta a outra.
Cocheguiñas, cocheguiñas
pague quen che toque a roupa.

M. Barrio J. Pérez Ballesteros: “Cancioneiro”.

Bótalle os ovos
á galiña branca
e pitos e todos
andaban na danza,
bótalle os ovos
á galiña negra
e pitos e todos
andaban na festa.
Ai, chíquiri, chíquiri, chíquiri.
Ai, chíquiri, chíquiri, cha.

M. Barrio M. Fabeiro Gómez: “Cancioneiro...”

Os de Ourense
mataron un burro,
os da Coruña
comérono “crudo”
e os de Vigo
mandaron recado
que lles “gardaran”
a punta do rabo.

M. Barrio I. Rielo: “Cancioneiro...”

Punto, repunto,
Señor Director,
para o ano que vén
seremos mellor.

Punto, repunto,
Señor Director,
para o ano que vén
¡seremos peor!